തിരുവനന്തപുരം: 28-ാമത്തെ കേരള രാജ്യാന്തര ചലച്ചിത്ര മേളയുടെ(ഐഎഫ്എഫ്കെ) മത്സര വിഭാഗത്തിലേക്കുള്ള ചിത്രങ്ങള് തിരഞ്ഞെടുത്തു. മലയാളത്തില് നിന്ന് മത്സര വിഭാഗത്തിലേക്ക് 2 ചിത്രങ്ങൾ തിരഞ്ഞെടുക്കപ്പെട്ടു.
ഡോൺ പാലത്തറ സംവിധാനം ചെയ്ത 'ഫാമിലി'യും, ഫാസിൽ റസാഖിന്റെ 'തടവ്' എന്നീ ചിത്രങ്ങളാണ് തിരഞ്ഞെടുക്കപ്പെട്ടത്. മലയാള സിനിമ ടുഡെ എന്ന വിഭാഗത്തിലേക്ക് 8 നവാഗത സംവിധായകരുടേതും 2 വനിത സംവിധാകരുടെയും ഉൾപ്പെടെ 12 ചിത്രങ്ങളും മത്സരത്തിൽ തിരഞ്ഞെടുക്കപ്പെട്ടു.
നവാഗത സംവിധായകരായ ആനന്ദ് ഏകർഷിയുടെ 'ആട്ടം', ശാലിനി ഉഷാദേവിയുടെ 'എന്നെന്നും', കെ റിനോഷുന്റെ 'ഫൈവ് ഫസ്റ്റ് ഡേറ്റ്സ്', വി ശരത്കുമാറിന്റെ 'നീലമുടി', ഗഗൻദേവിന്റെ 'ആപ്പിൾ ചെടികൾ', ശ്രുതി ശരണ്യം സംവിധാനം ചെയ്ത '32 മുതൽ 44 വരെ' , വിഘ്നേഷ് പി ശശിധരന്റെ 'ഷെഹർ സാദേ', സുനിൽ കുടമാളൂറിന്റെ 'വലസൈ പറവകൾ' പ്രശാന്ത് വിജയ് സംവിധാനം ചെയ്ത 'ദായം', സതീഷാ ബാബുസേനൻ, സന്തോഷ് ബാബു സേനൻ എന്നിവർ ചേർന്നൊരുക്കിയ 'ആനന്ദ് മോണോലിസ മരണവും കാത്ത്', രഞ്ജൻ പ്രമോദിന്റെ 'ഒ ബേബി', ജിയോ ബേബിയുടെ 'കാതൽ, ദ കോർ' എന്നീ ചിത്രങ്ങളാണ് തിരഞ്ഞെടുത്തിട്ടുള്ളത്.
1891.jpg)
1966.jpg)
