നടൻ കുണ്ടറ ജോണി അന്തരിച്ചു. ഹൃദയാഘാതത്തെ തുടർന്ന് കൊല്ലത്തെ സ്വകാര്യ ആശുപത്രിയിൽ വച്ചായിരുന്നു അന്ത്യം. 71 വയസായിരുന്നു. വില്ലൻ വേഷങ്ങളിലൂടെ ശ്രദ്ധേയനായ നടനാണ്. 1979ൽ നിത്യവസന്തം എന്ന ചിത്രത്തിലൂടെയാണ് സിനിമയിലേക്ക് എത്തുന്നത്.
കിരീടം, ചെങ്കോൽ, നാടോടിക്കാറ്റ് ഉൾപ്പടെ നിരവധി സിനിമകളിൽ അഭിനയിച്ചിട്ടുള്ള ജോണി അവസാനമായി അഭിനയിച്ചത് മേപ്പടിയാൻ എന്ന ചിത്രത്തിലാണ്. അധ്യാപികയായ സ്റ്റെല്ലയാണ് ഭാര്യ.