കോഴിക്കോട്: സിനിമ, സീരിയൽ നടൻ മേഘനാഥൻഅന്തരിച്ചു. ശ്വാസകോശ സംബന്ധമായ അസുഖത്തെ തുടർന്ന് കോഴിക്കോട്ടെ സ്വകാര്യ ആശുപത്രിയിൽ ചികിത്സയിലിരിക്കെ വ്യാഴാഴ്ച പുലർച്ചെ രണ്ടുമണിയോടെയാണ് അന്ത്യം. നടൻ ബാലൻ കെ.നായരുടെ മകനാണ് അറുപതുകാരനായ മേഘനാഥൻ. അൻപതോളം സിനിമകളിലും നിരവധി സീരിയലുകളിലും അഭിനയിച്ചിട്ടുള്ള മേഘനാഥൻ 1980ൽ പി.എൻ.മേനോൻ സംവിധാനം ചെയ്ത ‘അസ്‌ത്രം’ എന്ന ചിത്രത്തിലൂടെയാണ് അഭിനയ ലോകത്തെത്തുന്നത്.
പഞ്ചാഗ്നി, ചമയം, രാജധാനി, ഭൂമിഗീതം, ചെങ്കോൽ, മലപ്പുറം ഹാജി മഹാനായ ജോജി, പ്രായിക്കര പാപ്പാൻ, ഉദ്യാനപാലകൻ, ഈ പുഴയും കടന്ന്, ഉല്ലാസപ്പൂങ്കാറ്റ്, രാഷ്ട്രം, കുടമാറ്റം, വാസന്തിയും ലക്ഷ്‌മിയും പിന്നെ ഞാനും, വാസ്തവം, ആക്ഷൻ ഹീറോ ബിജു എന്നിവയാണ് പ്രധാന ചിത്രങ്ങൾ. 2022ൽ റിലീസ് ചെയ്ത കൂമനാണ് അവസാന ചിത്രം.
