ഷാരൂഖാൻ നായകനായ 'ജവാൻ' എന്ന സൂപ്പർഹിറ്റ് ഹിന്ദി ചിത്രത്തിന് ശേഷം, ടോളിവുഡിലെ സൂപ്പർതാരം അല്ലു അർജുൻ നായകനാകുന്ന ചിത്രമാണ് അറ്റ്ലി സംവിധാനം ചെയ്യാനിരിക്കുന്നത്.
അറ്റ്ലി സംവിധാനം ചെയ്ത 'മെർസൽ', 'ബിഗിൽ', 'ജവാൻ' എന്നീ ചിത്രങ്ങളെ പോലെ തന്നെ ഈ സിനിമയിലും നായകനായ അല്ലു അർജുൻ രണ്ടു വേഷങ്ങളിൽ എത്തുമെന്നാണ് പറയപ്പെടുന്നത്. തമിഴ് സിനിമയിലെ വമ്പൻ ബാനറുകളിൽ ഒന്നായ 'സൺ പിക്ചേഴ്സ്' നിർമ്മിക്കുന്ന ഈ ചിത്രത്തിൻ്റെ ഔദ്യോഗിക പ്രഖ്യാപനം അല്ലു അർജുൻ്റെ ജന്മദിനമായ ഏപ്രിൽ 8ന് പുറത്തിറങ്ങുമെന്നാണ് റിപ്പോർട്ട്.
ഈ ഘട്ടത്തിലാണ് ചിത്രത്തിൽ അഭിനയിക്കുന്ന നായികയെ കുറിച്ചുള്ള വിവരം പുറത്ത് വന്നിരിക്കുന്നത്. ഇതനുസരിച്ച് പ്രശസ്ത ബോളിവുഡ് നടി പ്രിയങ്ക ചോപ്രയെ ഈ ചിത്രത്തിൽ നായികയാക്കാനുള്ള ചർച്ചകൾ പുരഗോഗമിക്കുകയാണ് എന്നാണ് പറയപ്പെടുന്നത്. തെലുങ്ക് സിനിമയിലെ പ്രശസ്ത സംവിധായകനായ എസ്.എസ്.രാജമൗലി മഹേഷ് ബാബുവിനെ നായകനാക്കി ഇപ്പോൾ സംവിധാനം ചെയ്തു വരുന്ന പേരിടാത്ത ചിത്രത്തിൽ പ്രിയങ്ക ചോപ്രയാണ് നായകിയായി അഭിനയിക്കുന്നത്. ഈ ചിത്രത്തിനെ തുടർന്ന് അല്ലു അർജുൻ നായകനാകുന്ന ഈ ചിത്രത്തിലും പ്രിയങ്ക ചോപ്ര തന്നെയായിരിക്കും നായിക എന്നാണ് പറയപ്പെടുന്നത്. ഒരു പാൻ ഇന്ത്യൻ ചിത്രമായി ഒരുങ്ങാനിരിക്കുന്ന ഈ ചിത്രം കുറിച്ചുള്ള ഔദ്യോഗിക പ്രഖ്യാപനത്തിനായി കാത്തിരിക്കാം! .
