വിജയ്, വെങ്കട്പ്രഭു കൂട്ടുകെട്ടിൽ ഒരുങ്ങി വരുന്ന ബ്രമ്മാണ്ട ചിത്രമാണ് 'ദി ഗ്രേറ്റസ്റ്റ് ഓഫ് ഓൾ ടൈം'. (GOAT). വിജയ്ക്കൊപ്പം പ്രശാന്ത്, പ്രഭുദേവ, ജയറാം, മോഹൻ, സ്നേഹ, ലൈല, അജ്മൽ, മീനാക്ഷി ചൗധരി തുടങ്ങിവർ അണിനിരക്കുന്ന ഈ ചിത്രം അടുത്ത മാസം (സെപ്റ്റംബർ) 5-ന് റിലീസാകാനിരിക്കുകയാണ്. അതിനാൽ ചിത്രത്തിന്റെ പോസ്റ്റ് പ്രൊഡക്ഷൻ ജോലികളും, ബിസിനസ് വിഷയങ്ങളും തകൃതിയായി നടന്നു വരികയാണ്. ഈ ഘട്ടത്തിലാണ് ചിത്രത്തിന്റെ റിലീസ് സംബന്ധമായി ചില പുതിയ വാർത്തകൾ പുറത്തുവന്നുകൊണ്ടിരിക്കുന്നത്. ലോകമെമ്പാടുമുള്ള ഐമാക്സ് സാങ്കേതിക വിദ്യയിലുള്ള തിയറ്ററുകളിൽ ഈ ചിത്രം റിലീസ് ചെയ്യും എന്നുള്ള വിവരം മുൻപ് നൽകിയിരുന്നു. ഇതിനെ തുടർന്നാണ് ചിത്രത്തിൻ്റെ സംവിധായകനായ വെങ്കട്ട് പ്രഭു ചിത്രവുമായി ബന്ധപ്പെട്ട മറ്റൊരു അപ്ഡേറ്റ് പങ്കിട്ടിരിക്കുന്നത്. അതനുസരിച്ച് ഈ ചിത്രം അത്യാധുനിക സാങ്കേതിക വിദ്യയായ EPIQ-ലും റിലീസാകുമത്രെ! EPIQ സാങ്കേതികവിദ്യയിൽ ഈ ചിത്രം കാണുമ്പോൾ വിപുലമായ 'ഐ മാക്സ്' സ്‌ക്രീനുകളേക്കാൾ മികച്ച സ്‌ക്രീൻ അനുഭവമായിരിക്കുമത്രേ! ഇങ്ങിനെ ഒരേ സമയം 'ഐ മാക്സ്' സാങ്കേതിക വിദ്യയിലും EPIQ സാങ്കേതികവിദ്യയിലും റിലീസാകുന്ന ആദ്യത്തെ തമിഴ് ചിത്രമാണ് 'GOAT'.
1891.jpg)
