ബിജു മേനോൻ, അനു മോഹൻ, നിഖില വിമൽ, ഹക്കിം ഷാജഹാൻ, സിദ്ധിഖ്,രഞ്ജി പണിക്കർ തുടങ്ങിയവരെ പ്രധാന കഥാപാത്രങ്ങളാക്കി
'മേപ്പടിയാൻ' എന്ന ഹിറ്റ് ചിത്രത്തിന് ശേഷം വിഷ്ണു മോഹൻ തിരക്കഥയെഴുതി എഴുതി സംവിധാനം ചെയുന്ന രണ്ടാമത്തെ ചിത്രത്തിന്റ പൂജയും സ്വിച്ചോൺ കർമ്മവും ഇടപ്പള്ളി ശ്രീ അഞ്ചുമന ദേവീ ക്ഷേത്രത്തിൽ വെച്ച് നടന്നു.
മേപ്പടിയാന്റെ നിർമ്മാതാവായ ഉണ്ണി മുകുന്ദന്റെ അച്ഛൻ എം മുകുന്ദൻ ക്ലാപ്പടിച്ചു.തുടർന്ന് അടുത്ത ദിവസം
ചിത്രത്തിന്റെ ഷൂട്ടിങ് അമ്പലപ്പുഴയിൽ ആരംഭിച്ചു.
അമ്പലപ്പുഴ താലൂക്ക് ചെത്തുതൊഴിലാളി യൂണിയൻ ഓഫീസിലായിലാണ് ചിത്രീകരണം തുടങ്ങിയത്.
രഞ്ജി പണിക്കർ കമ്മ്യൂണിസ്റ്റ് പാർട്ടിയുടെ ലോക്കൽ സെക്രട്ടറിയായിട്ടാണ് ഈ സീനിൽ അഭിനയിക്കുന്നത്.
കോളേജിലുണ്ടായ വിഷയവുമായി ബന്ധപ്പെട്ട് ഒരു പെൺക്കുട്ടി ലോക്കൽ കമ്മിറ്റി ഓഫീസിലെത്തി സെക്രട്ടറിയോട് പറയുന്നതും പാർട്ടി ഇടപ്പെട്ട് പ്രശ്നം പരിഹരിക്കുന്ന രംഗമാണ് ഇവിടെ ചിത്രീകരിച്ചത്.
,അനു മോഹൻ, നിഖില വിമൽ, മുരളീകൃഷ്ണൻ തുടങ്ങിയവരും പങ്കെടുത്തു.
പ്ലാൻ ജെ സ്റ്റുഡിയോസ്‌, വിഷ്ണു മോഹൻ സ്റ്റോറീസ് എന്നീ ബാനറുകളിൽ ജോമോൻ ടി ജോൺ, ഷമീർ മുഹമ്മദ് വിഷ്ണു മോഹൻ എന്നിവർ ചേർന്ന് നിർമ്മിക്കുന്ന ഈ ചിത്രത്തിന്റെ ഛായാഗ്രഹണം ജോമോൻ ടി ജോൺ നിർവ്വഹിക്കുന്നു.
എക്സിക്യൂട്ടീവ് പ്രൊഡ്യൂസർ-ഹാരിസ് ദേശം,എഡിറ്റർ-ഷമീർ മുഹമ്മദ്,സംഗീതം-അശ്വിൻ ആര്യൻ,
പ്രൊഡക്ഷൻ ഡിസൈനർ-സുഭാഷ് കരുൺ,കോസ്റ്റ്യൂസ്-ഇർഷാദ് ചെറുകുന്ന്,
പ്രൊഡക്ഷൻ കൺട്രോളർ-റിനി ദിവാകരൻ,
സൗണ്ട് ഡിസൈൻ-ടോണി ബാബു,പ്രൊജക്ട് ഡിസൈനർ-വിപിൻ കുമാർ,സ്റ്റിൽസ്-അമൽ,പ്രൊമോഷൻസ്-ടെൻജി മീഡിയ, പോസ്റ്റർ ഡിസൈൻ-യെല്ലോ
ടൂത്ത്.
ഇനിയും പേര് തീരുമാനിച്ചിട്ടില്ലാത്ത
ഈ പ്രണയ കഥാ ചിത്രത്തിന്റെ ചിത്രീകരണം ആലപ്പുഴ, കുമളി, പാലക്കാട്, തിരുവനന്തപുരം എന്നിവിടങ്ങളിലായി പൂർത്തിയാകും.
എ എസ് ദിനേശ്.
1891.jpg)
