'ജയിലറി'ന് ശേഷം രജിനികാന്തിന്റേതായി റിലീസാകാനിരിക്കുന്ന ചിത്രമാണ് 'വേട്ടൈയ്യൻ'. 'ജയ്ഭീം' എന്ന സിനിമയുടെ സംവിധായകനായ ജ്ഞാനവേൽ സംവിധാനം ചെയ്തുവരുന്ന ഈ ചിത്രം ഒരു ആക്ഷൻ ചിത്രമായാണ് ഒരുങ്ങിവരുന്നത്. ഈ സിനിമയിൽ രജനികാന്തിനൊപ്പം ഇതുവരെ അഭിനയിക്കാത്ത താരങ്ങളായ ഫഹദ് ഫാസിൽ, റാണ, മഞ്ജു വാര്യർ, റിതികാ സിംഗ്, തുഷാര വിജയൻ തുടങ്ങി നിരവധി പേർ അണിനിരക്കുന്നുണ്ട്. ചിത്രത്തിലുടനീളം രജനിക്കൊപ്പം സഞ്ചരിക്കുന്ന ഫഹദ് ഫാസിൽ ഒരു ഹാസ്യ കഥാപാത്രത്തെയാണത്രെ അവതരിപ്പിക്കുന്നത്. അതുപോലെ ഈ ചിത്രത്തിൽ രജനികാന്തിന്റെ ഭാര്യയുടെ വേഷമാണത്രെ മഞ്ജു വാര്യർ ചെയ്തിരിക്കുന്നതെന്നും റിപ്പോർട്ടുണ്ട്. 'കൂട്ടത്തിൽ ഒരുത്തൻ', 'ജയ്ഭീം' എന്നീ വ്യത്യസ്ത ചിത്രങ്ങൾ സംവിധാനം ചെയ്ത ജ്ഞാനവേൽ സംവിധാനം ചെയ്യുന്ന ചിത്രം എന്ന നിലയിൽ ആരാധകർ വളരെയധികം ആകാംക്ഷയോടെ കാത്തിരിക്കുന്ന ചിത്രമാണ് 'വേട്ടൈയ്യൻ'.
1891.jpg)
