തമിഴിൽ 'കോലമാവ് കോകില', 'ഡോക്ടർ', 'ബീസ്റ്റ്', 'ജയിലർ' തുടങ്ങിയ ചിത്രങ്ങൾ സംവിധാനം ചെയ്ത നെൽസൺ ഇപ്പോൾ രജനികാന്ത് നായകനാകുന്ന 'ജയിലറി'ൻ്റെ രണ്ടാം ഭാഗമാണ് സംവിധാനം ചെയ്തു വരുന്നത്. ഈ ചിത്രത്തിൻ്റെ ചിത്രീകരണം പുരോഗമിക്കുകയാണ്. സൺ പിക്ചേഴ്സ് നിർമ്മിക്കുന്ന ഈ ബ്രമ്മാൻഡ ചിത്രത്തിന്റെ റിലീസിന് ശേഷം നെൽസൺ സംവിധാനം ചെയ്യാനിരിക്കുന്ന ചിത്രം കുറിച്ചുള്ള വിവരങ്ങൾ ലഭിച്ചിട്ടുണ്ട്.
അതനുസരിച്ച് തെലുങ്ക് സിനിമയിലെ മുൻനിര നായകന്മാരിൽ ഒരാളായ ജൂനിയർ എൻ.ടി.ആർ. നായകനാകുന്ന ചിത്രമാണത്രെ നെൽസൺ സംവിധാനം ചെയ്യാനിരിക്കുന്നത്. ഇപ്പോൾ ബോളിവുഡ് സ്റ്റാർ ഹൃത്വിക് റോഷനൊപ്പം 'വാർ-2' എന്ന ഹിന്ദി ചിത്രത്തിലാണ് ജൂനിയർ എൻ.ടി.ആർ. അഭിനയിച്ചുകൊണ്ടിരിക്കുന്നത്.
ഈ ചിത്രത്തിന് ശേഷം 'കെ.ജി.എഫ്', 'സലാർ' തുടങ്ങിയ ബിഗ് ബഡ്ജറ്റ് ചിത്രങ്ങൾ സംവിധാനം ചെയ്ത പ്രശാന്ത് നീൽ സംവിധാനം ചെയ്യുന്ന 'ഡ്രാഗൺ' എന്ന ചിത്രത്തിലാണ് അഭിനയിക്കാനിരിക്കുന്നത്. ഈ ചിത്രങ്ങളെല്ലാം പൂർത്തിയാക്കിയ ശേഷം നെൽസൺ സംവിധാനം ചെയ്യുന്ന ചിത്രത്തിൽ ജൂനിയർ എൻ.ടി.ആർ. ജോയിൻ ചെയ്യുമെന്നാണ് ഇപ്പോഴത്തെ റിപ്പോർട്ട്. ബിഗ് ബഡ്ജറ്റിൽ ഒരു പാൻ ഇന്ത്യൻ സിനിമയായിട്ടാണത്രെ ഈ ചിത്രം ഒരുങ്ങുന്നത്.
