തമിഴ് സിനിമയിലെ താര ദമ്പതികളായ സൂര്യയും, ജ്യോതികയും ഒന്നിച്ച് തുടങ്ങിയ സിനിമാ കമ്പനിയാണ് '2D'. എന്റർടൈൻമെന്റ്. 36 വയതിനിലെ, പശങ്ക-2, മകളിർ മട്ടും, 24, സൂരറൈപോട്രു, കടൈക്കുട്ടി സിങ്കം, മെയ്യഴകൻ തുടങ്ങി 17 ചിത്രങ്ങൾ ഈ കമ്പനി നിർമ്മിച്ചു. ഈ ചിത്രങ്ങളിൽ ചില ലാഭം നേടിയ ചിത്രങ്ങളായിരുന്നു. എന്നാൽ മറ്റുള്ളവ വലിയ നഷ്ടം ഉണ്ടാക്കിയ ചിത്രങ്ങളായിരുന്നു.
അതിനെ തുടർന്ന് ഇപ്പോൾ ഈ കമ്പനി സിനിമകൾ നിർമ്മിക്കുന്നില്ല. ജ്യോതിക ഇപ്പോൾ മുംബൈയിൽ സെറ്റിലായതിനാലും, സൂര്യ അഭിനയ തിരക്കിലായതിനാലും, സിനിമാ സാഹചര്യം മോശമായതിനാലും '2D'. എന്റർടൈൻമെന്റ്. ഇപ്പോൾ നിർമ്മാണ പ്രവർത്തനങ്ങൾ നിർത്തിവച്ചിരിക്കുകയാണെന്നാണ് പറയപ്പെടുന്നത്.
സൂര്യ, കാർത്തി, ജ്യോതിക എന്നിവർ അഭിനയിച്ച സിനിമകളാണ് ഈ കമ്പനി പ്രധാനമായും നിർമ്മിച്ചത്. എന്നാൽ ഇപ്പോഴുള്ള സിനിമാ ബിസിനസ് സാഹചര്യം വളരെ മോശമായ രീതിയിലാണ് പോയിക്കൊണ്ടിരിക്കുന്നത് എന്നതിനാൽ ഇനി സ്വന്തമായി സിനിമകൾ നിർമ്മിച്ച് റിസ്ക് എടുക്കാൻ സൂര്യയും, ജ്യോതികയും ആഗ്രഹിക്കുന്നില്ലെന്നാണ് പറയപ്പെടുന്നത്. അതിനെ തുടർന്ന് ഈ കമ്പനിയിൽ പ്രവർത്തിച്ചുവന്ന പലരും ഇപ്പോൾ കമ്പനി വിട്ടു പുറത്തുവന്നു എന്നുള്ള റിപ്പോർട്ടുമുണ്ട്.
