കാര്ത്തിക് സുബ്ബരാജ് സംവിധാനം ചെയ്യുന്ന മാസ്സ് ആക്ഷന് ത്രില്ലറായ ‘ജിഗർത്തണ്ട ഡബിള് എക്സ്’ ദീപാവലി റിലീസായി തീയേറ്ററുകളില് എത്തുന്നു.രാഘവ ലോറന്സും എസ്.ജെ സൂര്യയുമാണ് കേന്ദ്ര കഥാപാത്രങ്ങളെ അവതരിപ്പിക്കുന്നത്. തന്റെ പഴയ ചിത്രമായ ജിഗർത്തണ്ടയുമായി ഈ ചിത്രത്തിന് ഒരു ബന്ധവും ഇല്ല എന്ന് കാര്ത്തിക് സുബ്ബരാജ് നേരത്തെ തന്നെ വ്യക്തമാക്കിയിരുന്നു. 1960 കളില് നടക്കുന്ന കഥയാണ് ചിത്രം പറയുന്നത്.സന്തോഷ് നാരായണന്റെ ഇടിവെട്ട് പശ്ചാത്തല സംഗീതത്തില് ചിത്രത്തിന്റെ ടീസര് നേരത്തെ തന്നെ പുറത്തിറങ്ങിയിരുന്നു.മികച്ച പ്രതികരണമാണ് ടീസറിന് ലഭിച്ചത്. കാര്ത്തിക് സുബ്ബരാജ് ആരാധകര് ആവേശത്തോടെ കാത്തിരിക്കുന്ന ചിത്രമാണിത്.മാസ് ബിജിഎമിന്റെ അകമ്പടിയില് രാഘവ ലോറൻസ് ഒരു തിയേറ്റർ കത്തിക്കുന്ന രംഗമാണ് ടീസറില് ഉള്ളത്. കാര്ത്തിക് സുബ്ബരാജിന്റെ ചിത്രങ്ങളില് ഏറ്റവും മികച്ച ചിത്രമെന്ന ഖ്യാതി നേടിയ ചിത്രമാണ് ജിഗർത്തണ്ട. 2014 ല് റിലീസായ ചിത്രം സൂപ്പര് ഹിറ്റായിരുന്നു. സിദ്ധാരഥ്, ബോബി സിംഹ,ലക്ഷ്മി മേനോന്,വിജയ് സേതുപതി തുടങ്ങിയവരായിരുന്നു ചിത്രത്തിലെ കേന്ദ്ര കഥാപാത്രങ്ങളെ അവതരിപ്പിച്ചത്. മികച്ച എഡിറ്റിങ്ങിനു വിവേക് ഹര്ഷനും മികച്ച സഹനടന് ബോബി സിംഹയ്ക്കു നാഷണല് അവാര്ഡും ലഭിച്ചിരുന്നു.
