ബ്ലാക്ക് ഫോറസ്റ്റ്, അങ്ങ് ദൂരെ ഒരു ദേശത്ത് എന്നീ ചിത്രങ്ങൾക്കുശേഷം സംവിധായകൻ ജോഷി മാത്യുവും നിർമ്മാതാവ് ബേബി മാത്യു സോമതീരവും വീണ്ടും ഒരിക്കൽ കൂടി ഒന്നിക്കുന്ന സിനിമയുടെ ഷൂട്ടിംഗ് ഒക്ടോബർ രണ്ടിന് കോട്ടയത്ത് റബ്ബർ ബോർഡിന്‍റെ ഗവേഷണ കേന്ദ്രത്തിൽ വച്ച് ആരംഭം കുറിച്ചു.
ബഹുമാനപ്പെട്ട മന്ത്രി വി എൻ വാസവൻ ക്യാമറയുടെ സ്വിച്ച് ഓൺ കർമ്മം നിർവഹിച്ചു. ഫ്രാൻസിസ് ജോർജ് എംപി ആദ്യ ഷോട്ടിനു ക്ലാപ്പ് അടിച്ചു. തിരുവഞ്ചൂർ രാധാകൃഷ്ണൻ എംഎൽഎ സ്ക്രിപ്റ്റ് കൈമാറ്റം നടത്തി.
ദൈവത്താൻ കുന്ന് എന്ന് പേരിട്ടിരിക്കുന്ന ചിത്രം കുറെയധികം വർഷങ്ങളായി മനുഷ്യർ മനസ്സിൽ കൊണ്ടു നടക്കുന്നതും. വിശ്വസിച്ചു വരുന്നതുമായ ഒരു മിത്തിനെ അടിസ്ഥാനമാക്കിയുള്ള ഒരു കഥയാണ് പറയുന്നത്.
പൈതൃകമായ സ്വത്തുക്കളും നാട്ടറിവുകളും സംരക്ഷിക്കേണ്ടത് എങ്ങനെ എന്ന് ആളുകളെ ബോധ്യപ്പെടുത്തുന്ന ഒരു സിനിമയും കൂടിയാണിത്. കുറെയധികം സിനിമകളിൽ ചെറുതും വലുതുമായ വേഷങ്ങളിൽ അഭിനയിച്ച ശ്രദ്ധേയനായ ദിനേഷ് പ്രഭാകർ ആണ് ഈ ചിത്രത്തിൽ നായകനാകുന്നത്. സോമു മാത്യു, ആർട്ടിസ്റ്റ് സുജാതൻ, ഹരി നമ്പൂതിരി ,ജോഷി മാത്യു, കണ്ണൻ വെള്ളിമടത്തിൽ, ജിൻസി, മാസ്റ്റർ മുന്ന, മാസ്റ്റർ അർണവ്, ബേബി ദേവിക, കാത്തു ലിപിക തുടങ്ങിയവരാണ് അഭിനേതാക്കൾ
രചന ശ്രീ പാർവതി, ക്യാമറ രാജേഷ് പീറ്റർ, മോഹൻ സിത്താര, ജെയിൻ എന്നിവർ സംഗീതം നൽകുന്ന ഗാനങ്ങൾ അൻവർ അലിയും സ്മിത പിഷാരടിയും എഴുതിയിരിക്കുന്നു. എഡിറ്റിംഗ് ഷാജു. എസ്.ബാബു, കലാസംവിധാനം ജി.ലക്ഷ്മണ്‍ മാലം മേക്കപ്പ് പട്ടണം റഷീദ്, പട്ടണം ഷാ, കോസ്റ്റും ഇന്ദ്രൻസ് ജയൻ, അസോസിയേറ്റ് ഡയറക്ടർ അനൂപ് കെ എസ്. സ്റ്റിൽസ് ഹരീഷ് കാസിം, ഡിസൈൻ ബോസ് മാലം, പ്രൊഡക്ഷൻ കൺട്രോളർ നിക്സൺ ജോർജ്
പ്രകൃതിരമണീയമായ വാഗമൺ മലനിരകളിലും തട്ടേക്കാട്, മൂന്നാർ എന്നിവിടങ്ങളിലുമായി ചിത്രീകരണം പൂർത്തിയാകും.ബാനര്‍ സോമ ക്രിയേഷൻസ്
ജി കൃഷ്ണൻ
