NEWS

നടി അഭിരാമിയെ കമൽഹാസൻ പീഡിപ്പിച്ചെന്ന് മാധ്യമപ്രവർത്തകന്റെ വെളിപ്പെടുത്തൽ

News

തമിഴിലും തെലുങ്കിലുമെല്ലാം നിരവധി ഹിറ്റ് സിനിമകളിലെ നായികയായി തിളങ്ങിയ അഭിരാമി മലയാളത്തിലും ശ്രദ്ധേയമായ വേഷങ്ങൾ ചെയ്തിരുന്നു. ഇടക്കാലത്ത് സിനിമ വിട്ട് വിദേശത്തേക്ക് പോയ താരം വീണ്ടും ചലച്ചിത്ര രം​ഗത്തേക്ക് തിരികെ എത്തിയിരിക്കുകയാണ്. താരം സിനിമയിൽ നിന്നും ഇടവേള എടുത്തത് കമൽഹാസൻ പീഡിപ്പിച്ചതിനെ തുടർന്നാണെന്ന മാധ്യമപ്രവർത്തകനായ ബെയിൽവാൻ രംഗനാഥന്റെ വെളിപ്പെടുത്തലാണ് തമിഴ് സിനിമാലോകത്ത് ഇപ്പോൾ ചർച്ചയാകുന്നത്. 

വിരമാണ്ടി എന്ന ചിത്രത്തിൽ അഭിനയിക്കുമ്പോഴാണ് സംഭവമെന്നും ബെയിൽവാൻ രംഗനാഥൻ പറയുന്നു. ഈ ചിത്രത്തിന് ശേഷമായിരുന്നു അഭിരാമി അഭിനയത്തിൽ ഇടവേള എടുത്തത്. ‘അഭിരാമി ഒരു നല്ല നടിയാണ്. കമൽഹാസനൊപ്പം വിരുമാണ്ടി എന്ന സിനിമയിൽ അവർ അഭിനയിച്ചു. ആ സിനിമയിൽ അഭിരാമിയെ കമൽഹാസൻ പീഡിപ്പിച്ചു. ഇതേതുടർന്നാണ് അഭിരാമി വിദേശത്തേക്ക് പോയത്. അതിന് ശേഷം നടി അവിടെ വിവാഹം കഴിച്ച് സ്ഥിരതാമസമാക്കി. വർഷങ്ങളോളം അഭിനയത്തിൽ നിന്നും വിട്ട് നിൽക്കുകയും ചെയ്തു. ഇപ്പോൾ നടി വീണ്ടും അഭിനയിക്കാൻ തുടങ്ങിയിരിക്കുകയാണ്. മാത്രമല്ല അവർ കമൽഹാസനൊപ്പവും അഭിനയിക്കും‘ – ബെയിൽവാൻ രംഗനാഥൻ പറയുന്നു.

അതേ സമയം ബെയിൽവാൻ രംഗനാഥനെതിരെ വ്യാപക വിമർശനമാണ് ഉയർന്ന് വരുന്നത്. ഇല്ലാക്കഥകൾ പ്രചരിപ്പിക്കുന്നു എന്നാണ് പലരും അദ്ദേഹത്തിനെതിരെ ആരോപണം ഉന്നയിക്കുന്നത്. മണിരത്‌നം സംവിധാനം ചെയ്യുന്ന തഗ് ലൈഫിലാണ് കമൽഹാസൻ ഇപ്പോൾ അഭിനയിച്ചുകൊണ്ടിരിക്കുന്നത്. ഈ ചിത്രത്തിൽ അഭിരാമിയും പ്രധാന വേഷത്തിൽ എത്തുമെന്നാണ് റിപ്പോർട്ടുകൾ. 


LATEST VIDEOS

Top News