തെന്നിന്ത്യൻ സിനിമയിലെ മുൻനിര നടിമാരിൽ ഒരാളായ കീർത്തി സുരേഷ് അവസാനമായി അഭിനയിച്ച തമിഴ് ചിത്രം 'രഘുതാത്ത' ആയിരുന്നു. ഇപ്പോൾ 'അക്ക' എന്ന വെബ് സീരീസിലാണ് അവർ അഭിനയിച്ചുകൊണ്ടിരിക്കുന്നത്. നെറ്റ്ഫ്ലിക്സ് ഒടിടി പ്ലാറ്റ്ഫോമിലാണ് ഇത് റിലീസ് ചെയ്യുന്നത്.
അതേസമയം, തമിഴിൽ പുറത്തിറങ്ങി സൂപ്പർഹിറ്റായ വിജയ് നായകനായ 'തെറി'യുടെ ഹിന്ദി റീമേക്കായ 'ബേബി ജോൺ' എന്ന ചിത്രത്തിലൂടെ കീർത്തി സുരേഷ് ബോളിവുഡിലും അരങ്ങേറ്റം കുറിച്ചിരുന്നു. എന്നാൽ 'ബേബി ജോൺ' വലിയ പരാജയമായിരുന്നു. എങ്കിലും കീർത്തി സുരേഷിന് വീണ്ടും ഒരു ഹിന്ദി സിനിമയിൽ അഭിനയിക്കാനുള്ള അവസരം ലഭിച്ചിട്ടുണ്ട്. 'സെക്ടർ 36' എന്ന ചിത്രം സംവിധാനം ചെയ്ത ആദിത്യ നിംബാൽക്കർ സംവിധാനം ചെയ്യുന്ന ചിത്രത്തിലാണ് കീർത്തി സുരേഷ് വീണ്ടും ഹിന്ദിയിൽ അഭിനയിക്കാനിരിക്കുന്നത്.
ഈ സിനിമയിൽ രാജ്കുമാർ റാവുവാണ് പ്രധാന വേഷത്തിൽ എത്തുന്നത്. കമ്പ ഫിലിംസിന്റെ ബാനറിൽ ഭദ്രലേഖ നിർമ്മിക്കുന്ന ഈ ചിത്രം ഇന്ത്യൻ വിദ്യാഭ്യാസ സമ്പ്രദായത്തെ കേന്ദ്രീകരിച്ചാണെന്നാണ് റിപ്പോർട്ട്. ഇതിൽ കീർത്തി സുരേഷ് ഒരു അധ്യാപികയുടെ വേഷത്തിലാണത്രെ എത്തുന്നത്. വിവാഹശേഷം കീർത്തി സുരേഷ് അഭിനയിക്കുന്ന ആദ്യ ചിത്രമാണിതെന്നതും ശ്രദ്ധേയമാണ്.
