'RRR' എന്ന സിനിമക്ക് ശേഷം രാജമൗലി സംവിധാനം ചെയ്യുന്ന ചിത്രത്തിൽ മഹേഷ് ബാബുവാണ് നായകനായി അഭിനയിക്കുന്നതെന്നും ഈ ചിത്രത്തിൽ പ്രശസ്ത ബോളിവുഡ് താരം പ്രിയങ്ക ചോപ്ര ഒരു പ്രധാന കഥാപാത്രം അവതരിപ്പിക്കുന്നുണ്ടെന്നുള്ള വിവരങ്ങളെല്ലാം എല്ലാവർക്കും അറിയാവുന്നതാണ്. ഇനിയും പേരിടാത്ത ഈ സിനിമയുടെ ഷൂട്ടിങ്ങ് നടന്നു വരികയാണ്.
ഈ ചിത്രത്തിൽ മഹേഷ് ബാബുവിന്റെ അച്ഛനായി അഭിനയിക്കാൻ രാജമൗലി 'ചിയാൻ' വിക്രമുമായി ചർച്ച നടത്തിയിരുന്നു എന്നുള്ള വാർത്ത മുൻപ് നൽകിയിരുന്നു. എന്നാൽ വിക്രം അച്ഛനായി അഭിനയിക്കാൻ വിസമ്മതിച്ചു. അതിനുശേഷം ഇപ്പോൾ ആ വേഷം ചെയ്യാൻ തമിഴ് സിനമയില മറ്റൊരു നടനായ മാധവനെയാണ് രാജമൗലി തിരഞ്ഞെടുത്തിരിക്കുന്നത് എന്നുള്ള വാർത്ത ലഭിച്ചിട്ടുണ്ട്.
മഹേഷ് ബാബുവിന് നിലവിൽ 49 വയസ്സുണ്ട്. മാധവന് 55 വയസ്സുണ്ട്. മാധവൻ ഇതിന് മുൻപ് Rocketry: The Nambi Effect എന്ന ചിത്രത്തിൽ വയസായ നമ്പി നാരായണായി എല്ലാം അഭിനയിച്ചിട്ടുണ്ട് എന്നുള്ളത് ശ്രദ്ധേയമാണ്. ഏകദേശം 1000 കോടി ബജറ്റിൽ ഒരുങ്ങുന്ന ഈ ചിത്രത്തിന്റെ അടുത്ത ഘട്ട ചിത്രീകരണം കെനിയയിലാണ് എന്നും റിപ്പോർട്ടുണ്ട്. മഹേഷ് ബാബുവിനും, പ്രിയങ്ക ചോപ്രയ്ക്കുമൊപ്പം മാധവൻ അഭിനയിക്കുന്ന രംഗങ്ങളും അവിടെ ചിത്രീകരിക്കുന്നുണ്ടത്രേ!
