റി സ്റ്റാർ പ്രഭാസിന്റെ അഭിനയജീവിതത്തിന് രണ്ടു പതിറ്റാണ്ട് പിന്നിടുകയാണ്. പ്രഭാസിന്റെ ആദ്യ ചിത്രമായ 'ഈശ്വർ' പുറത്തിറങ്ങിയിട്ട് 21 വർഷങ്ങൾ പിന്നിടുന്നു. 2002 നവംബർ 11 നാണ് ഈശ്വർ റിലീസ് ചെയ്തത്. ജയന്ത് സി പരജ്ഞ സംവിധാനം ചെയ്ത ചിത്രത്തിൽ ശ്രീദേവി വിജയകുമാർ ആയിരുന്നു നായിക. ആദ്യ ചിത്രമായ ഈശ്വറിൽ നിന്ന് ഇന്ത്യയിലെ ഏറ്റവും താരമൂല്യമുള്ള നായകനടനായി പ്രഭാസ് വളർന്നിരിക്കുകയാണ്. എസ്.എസ് രാജമൗലി സംവിധാനം ചെയ്ത ഛത്രപതിയിലൂടെയാണ് പ്രഭാസ് തെലുങ്കിലെ ശ്രദ്ധേയതാരമായി മാറുന്നത്. എന്നാൽ രാജ മൗലിയുടെ തന്നെ ബാഹുബലി സീരീസിലൂടെയാണ് ഇന്ത്യയിലുടെനീളം ആരാധകരെ സൃഷ്ടിക്കാൻ പ്രഭാസിന് കഴിഞ്ഞത്.
പെൺകുട്ടികളുടെ പ്രണയനായകനും ആൺകുട്ടികളുടെ ആക്ഷൻ ഹീറോയുമായി പ്രഭാസ് മാറിയത് വിരലിലെണ്ണാവുന്ന വർഷങ്ങൾക്ക് മുൻപാണ്. അവിടന്നങ്ങോട്ട് പ്രഭാസിനെ കാത്തിരുന്നത് ആരേയും അമ്പരപ്പിക്കുന്ന ഉയർച്ചയുടെ പടവുകളാണ്. 'ബാഹുബലി' എന്ന കഥാപാത്രത്തിലൂടെ ലോക സിനിമയ്ക്ക് മുന്നിൽ തന്നെ വിസ്മയമായി തീർന്ന ഈ നാൽപ്പത്തി നാലുകാരന് ഇന്ന് ലോകം മുഴുവൻ ആരാധകരുണ്ട്.
2021 ൽ ലോകത്തിലെ ഒന്നാം നമ്പർ സൗത്ത് ഏഷ്യൻ സെലിബ്രിറ്റിയായി തെരെഞ്ഞെടുക്കപ്പെട്ടത് പ്രഭാസിനെയാണ്. ബാഹുബലിക്ക് ശേഷം പ്രഭാസിന്റെ താരമൂല്യം കുതിച്ചുയർന്നതിന്റെ തെളിവുകൂടിയാണത്. യു.കെ ആസ്ഥാനമായുള്ള 'ഈസ്റ്റേൺ ഐ' എന്ന പ്രതിവാര പത്രമാണ് പ്രഭാസിനെ തെരഞ്ഞെടുത്തിരിക്കുന്നത്. സർവേ ഫലം പ്രകാരം സിനിമ, ടെലിവിഷൻ, സാഹിത്യം, സംഗീതം, സോഷ്യൽ മീഡിയ എന്നീ മേഖലകളിൽ നിന്നുള്ള നിരവധി ആഗോള താരങ്ങളെക്കാൾ മുന്നിലാണ് പ്രഭാസ് എന്നതും ശ്രദ്ധേയം. ലോകത്തിലെ ഏറ്റവും വലിയ സിനിമാ വ്യവസായത്തിന്റെ മുഖച്ഛായ മാറ്റുന്നതിൽ താരം വേറിട്ട് നിന്നു എന്നാണ് 'ഈസ്റ്റേൺ ഐ' താരത്തെ ക്കുറിച്ച് പറഞ്ഞിരിക്കുന്നത്.
1979 ഒക്ടോബർ 23ന് മദ്രാസ്സിൽ ജനിച്ച പ്രഭാസിന് സിനിമാപാരമ്പര്യവുമുണ്ട്. തെലുങ്ക് ചലച്ചിത്ര നിർമ്മാതാവായിരുന്ന യു. സൂര്യനാരായണ രാജുവിന്റെയും ഭാര്യ ശിവകുമാരിയുടെയും മൂന്നു മക്കളിൽ ഇളയവനാണ് വെങ്കിട് സത്യനാരായണ പ്രഭാസ് രാജു ഉപ്പൽപ്പടി എന്ന പ്രഭാസ്. 2002 ലായിരുന്നു കരിയറിന്റെ തുടക്കമെങ്കിലും പ്രഭാസ് ശ്രദ്ധിക്കപ്പെട്ട് തുടങ്ങിയത് ഒന്നര പതിറ്റാണ്ടുകളുടെ കാത്തിരിപ്പിന് ശേഷമാണ്. കരിയർ മാറ്റിമറിച്ച ബാഹുബലിയ്ക്ക് ശേഷം പ്രഭാസിനെ തേടിയെത്തുന്നത് എല്ലാം തന്നെ ബിഗ് ബജറ്റ് ചിത്രങ്ങളാണ്.
കെ.ജി.എഫ് സീരീസിന്റെ സംവിധായകൻ പ്രശാന്ത് നീലിന്റെ സലാർ, സന്ദീപ് റെഡ്ഡി വാങ്കയുടെ സ്പിരിറ്റ്, നാഗ് അശ്വിന്റെ പ്രൊജക്ട് കെ എന്നീ ചിത്രങ്ങളാണ് അടുത്തടുത്തായി റിലീസാകുന്നത്
കെ.ജി.എഫ് എന്ന ഹിറ്റ് ചിത്രത്തിന് ശേഷം പ്രഭാസിനെ നായകനാക്കി പ്രശാന്ത് നീൽ ഒരുക്കുന്ന ബിഗ് ബഡ്ജറ്റ് ചിത്രമാണ് 'സലാർ'. കെ.ജി.എഫ് നിർമ്മാതാക്കളായ ഹൊംബാലെ ഫിലിംസ് ആണ് സലാറിന്റെയും നിർമ്മാണം. ശ്രുതി ഹാസനാണ് സലാറിൽ പ്രഭാസിന്റെ നായികയാവുന്നത്. പ്രഭാസിനൊപ്പം ആദ്യമായാണ് ശ്രുതി അഭിനയിക്കുന്നത്. മധു ഗുരുസ്വാമിയാണ് പ്രതിനായക വേഷത്തിൽ എത്തുന്നത്.
1891.jpg)
1966.jpg)
