‘ബാഹുബലി, 'ആർ.ആർ.ആർ’ എന്നീ ചിത്രങ്ങളിലൂടെ ഇന്ത്യൻ സിനിമാലോകം മാത്രമല്ല, ഹോളിവുഡ് സിനിമാലോകവും തിരിഞ്ഞുനോക്കിയ ഒരു സംവിധായകനാണ് രാജമൗലി. ഇദ്ദേഹം അടുത്ത് തെലുങ്ക് സിനിമയിലെ മുൻനിര താരങ്ങളിൽ ഒരാളായ മഹേഷ് ബാബുവിനെ നായകനാക്കിയാണ് ചിത്രം സംവിധാനം ചെയ്യുന്നത്. ഈ വിവരം എല്ലാവർക്കും അറിയാവുന്നതാണ്. അതേ സമയം 'മഹാഭാരതം' കഥയെ ചിത്രമാക്കാനും രാജമൗലി പദ്ധതിയിട്ടുണ്ട്. ഈ കാര്യം രാജമൗലി തന്നെ ചില
അഭിമുഖങ്ങളിൽ 'മഹാഭാരതം' തന്റെയൊരു സ്വപ്ന സൃഷ്ടിയാണെന്ന് വ്യക്തമാക്കിയിരുന്നു. ഈ സാഹചര്യത്തിലാണ് അടുത്തിടെ ഒരു അഭിമുഖത്തിൽ രാജമൗലിയുടെ പിതാവും 'ബാഹുബലി, 'ആർ.ആർ.ആർ' തുടങ്ങിയ ചിത്രങ്ങളുടെ രചയിതാവുമായ വിജയേന്ദ്ര പ്രസാദ് 'മഹാഭാരതം' എന്ന ചിത്രത്തെക്കുറിച്ചുള്ള ഒരു അപ്ഡേറ്റ് നൽകിയിരിക്കുന്നത്.
അതായത്, 'രാജമൗലി അടുത്ത് മഹേഷ് ബാബുവിനെ നായകനാക്കിയാണ് ചിത്രം സംവിധാനം ചെയ്യുന്നത്. 2024-ൽ ചിത്രീകരണം തുടങ്ങുന്ന ഈ ചിത്രം 2025ൽ റിലീസ് ചെയ്യും. അതിന് ശേഷം രാജമൗലി സംവിധാനം ചെയ്യുന്നത് 'മഹാഭാരതം' ആയിരിക്കും. ഹോളിവുഡ് സാങ്കേതിക വിദഗ്ധരുമായി സഹകരിച്ച് 'മഹാഭാരതം' ഒരുക്കാനാണ് രാജമൗലി ആലോചിക്കുന്നത്. രണ്ടോ മൂന്നോ ഭാഗങ്ങളായി ഒരുങ്ങുന്ന ഈ ചിത്രത്തിൽ ഇന്ത്യൻ സിനിമാലോകത്തെ പ്രധാന താരങ്ങളെല്ലാം അണിനിരക്കും. ഇന്ത്യൻ സിനിമയിലെ തന്നെ ഏറ്റവും ചിലവേറിയ ചിത്രമായിരിക്കും ഇത്'' എന്നാണ് വിജയേന്ദ്ര പ്രസാദ് പറഞ്ഞിരിക്കുന്നത്. അതുപോലെ 'ആർ.ആർ.ആർ' എന്ന ചിത്രത്തിന്റെ രണ്ടാം ഭാഗം ഒരുക്കുവാനും പദ്ധതിയുണ്ടെന്നും അദ്ദേഹം പറഞ്ഞിട്ടുണ്ട്.
1891.jpg)
