സിമ്പുവിനെ നായകനാക്കി കമൽഹാസൻ ഒരു ചിത്രം നിർമ്മിക്കുന്നു എന്ന പ്രഖ്യാപനം വന്നതോടെ ആരാധകർ വളരെ ആവേശത്തോടെയാണ് ഈ ചിത്രത്തിന് വേണ്ടി കാത്തിരിക്കുന്നത്. ദുൽഖർ സൽമാൻ നായകനായ 'കണ്ണും കണ്ണും കൊള്ളയടിത്താൽ’ എന്ന ചിത്രം സംവിധാനം ചെയ്ത ദേസിങ്ങ് പെരിയസാമിയാണ് ഈ ചിത്രം സംവിധാനം ചെയ്യുന്നത്. ഈ ചിത്രത്തിന്റെ ഫസ്റ്റ് ലുക്ക് ഈയിടെ പുറത്തുവരികയുണ്ടായി. ഇനിയും പേര് പ്രഖ്യാപിക്കാത്ത ഈ ചിത്രത്തിൽ സിമ്പു ഇരട്ടവേഷങ്ങളാണ് അവതരിപ്പിക്കുന്നത്. അതിനായി ചിമ്പു പ്രത്യേക പരിശീലനമെല്ലാം എടുത്തിട്ടാണ് ഈ ചിത്രത്തിൽ അഭിനയിക്കുന്നത്. ഈ മാസം അവസാനത്തോടെ ചിത്രീകരണം ആരംഭിക്കാനിരിക്കുന്ന ഈ ചിത്രത്തിൽ ചിമ്പു അവതരിപ്പിക്കുന്ന കഥാപാത്രങ്ങളെ കുറിച്ചുള്ള ചില വിവരങ്ങളാണ് ഇപ്പോൾ പുറത്ത് വന്നുകൊണ്ടിരിക്കുന്നത്. അതായത് ഈ സിനിമയിൽ ചിമ്പു അവതരിപ്പിക്കുന്ന രണ്ട് കഥാപാത്രങ്ങളിൽ ഒന്ന് വില്ലനായ ട്രാൻസ്ജെൻഡറുണ്ട് കഥാപാത്രമാണത്രെ. ഹോളിവുഡിൽ പുറത്തുവന്നു വമ്പൻ ഹിറ്റായ 'സ്പാർട്ടൻസ് 300' എന്ന ചിത്രത്തിന് സമാനമായ കഥാഘടനയാണ് ഈ ചിത്രത്തിനുണ്ടാകുകയെന്നും ഒരു റിപ്പോർട്ടുണ്ട്. ഈ രണ്ടു കഥാപാത്രങ്ങളും സിമ്പു ഇതുവരെ ചെയ്യാത്ത കഥാപാത്രങ്ങളാണ് എന്നും പറയപ്പെടുന്നുണ്ട്. ഇത് സിമ്പുവിന്റെ 48-മത്തെ ചിത്രമാണ്. ഇത് നിർമ്മിക്കുന്നത് കമൽഹാസൻ്റെ 'രാജ്കമൽ ഫിലിംസ് ഇൻ്റർനാഷണലും, മഹേന്ദ്രനും ചേർന്നാണ്.
1891.jpg)
1966.jpg)
