മുംബൈയിൽ പുതുതായി മൂന്ന് വസതികൾ സ്വന്താമക്കി ആലിയ ഭട്ട്. മുംബൈയിലെ ബാന്ദ്രയിലാണ് പുതിയ വീടുകൾ വാങ്ങിയത്. നടിയെ ഉദ്ധരിച്ച് ദേശീയമാധ്യമങ്ങളാണ് വാർത്ത റിപ്പോർട്ട് ചെയ്തിരിക്കുന്നത്.
ആലിയ വാങ്ങിയ ബാന്ദ്രയിലെ പാലി ഹില്ലിൽ ഒരു പ്രീമിയം റെസിഡൻഷ്യൽ അപ്പാർട്ട്മെൻറിന്റെ ഏകദേശ വില 37.80 കോടി രൂപയാണ്. കൂടാതെ നടിയുടെ സഹോദരി ഷഹീൻ ഭട്ടിന് വേണ്ടിയും മുംബൈയിൽ രണ്ട് അപ്പാർട്ട്മെൻറുകൾ വാങ്ങിയിട്ടുണ്ട്. 7.68 കോടിയാണ് ഇതിന്റെ മൂല്യം. മുംബൈയിലെ ജുഹുവിലുള്ള ജിജി അപ്പാർട്ട്മെൻറിലെ 2,086.75 ചതുരശ്ര അടി വിസ്തീർണമുള്ള രണ്ട് ഫ്ലാറ്റുകളാണ് സഹോദരിക്കായി സമ്മാനിച്ചത്. ഏപ്രിൽ 10നായിരുന്നു പുതിയ വീടുകളുടെ രജിസ്ട്രേഷൻ.
ചെറിയ ഇടവേളക്ക് ശേഷം ആലിയ ഭട്ട് വീണ്ടും അഭിനയത്തിൽ സജീവമാകാനൊരുങ്ങുകയാണ്. രൺവീർ സിങ്ങിനോടൊപ്പമുള്ള റോക്കി ഔർ റാണി കി പ്രേം കഹാനിയിലാണ് ആലിയ ഭട്ട് അടുത്തതായി അഭിനയിക്കുന്ന ചിത്രം. കരൺ ജോഹറാണ് സിനിമ സംവിധാനം ചെയ്യുന്നത്. കൂടാതെ, പ്രിയങ്ക ചോപ്രക്കും കത്രീന കൈഫിനുമൊപ്പം ഫർഹാൻ അക്തറിന്റെ 'ജീ ലെ സരാ' എന്ന ചിത്രത്തിലും അഭിനയിക്കുന്നുണ്ട്. ഗാൽ ഗാഡോട്ടിനൊപ്പം ഹാർട്ട് ഓഫ് സ്റ്റോൺ എന്ന ചിത്രത്തിലൂടെ ഹോളിവുഡിലും ചുവടുവെക്കാൻ ഒരുങ്ങുകയാണ്