തന്റെ ആദ്യ ജോലിക്ക് നിശാക്ലബിൽ പാടിയതിന് 750 രൂപ ലഭിച്ചതായി ഉഷ ഉതുപ്പ്. അന്ന് ഏറ്റവും കൂടുതൽ പ്രതിഫലം വാങ്ങുന്ന നിശാക്ലബ് ഗായിക താനാണെന്നും അവർ പറഞ്ഞു.തന്റെ ആദ്യത്തെ 'പ്രൊഫഷണൽ പ്രകടനത്തെക്കുറിച്ചും' പ്രതിഫലത്തെക്കുറിച്ചും തുറന്നു പറയുകയായിരുന്നു ഗായിക ഉഷ ഉതുപ്പ്.താൻ ഒരു ഹോട്ടലുമായി കരാർ ഒപ്പിട്ടതായും പ്രതിമാസം ₹750 സമ്പാദിച്ചതായും ഉഷ അനുസ്മരിച്ചു.
“നടന് ദേവ് ആനന്ദ് ഒരിക്കൽ ഡൽഹിയിൽ ഒരു നിശാക്ലബിൽ എന്റെ പാട്ടുകൾ കേൾക്കാൻ വന്നപ്പോഴാണ് ബോളിവുഡിലേക്ക് എന്നെ തിരഞ്ഞെടുത്തത്. ഷോ അവസാനിച്ചതിന് ശേഷം, അദ്ദേഹത്തിന്റെ പ്രൊജക്റ്റ് ഹരേ രാമ ഹരേ കൃഷ്ണയിൽ പ്രവർത്തിക്കുമോ എന്ന് അദ്ദേഹം എന്നോട് ചോദിച്ചു. അതിനുശേഷം ആർ ഡി ബർമൻ, ബാപ്പി ലാഹിരി തുടങ്ങിയ അതിമനോഹരമായ സംഗീതസംവിധായകർക്കൊപ്പം പ്രവര്ത്തിക്കാനുള്ള അവസരം തനിക്ക് ലഭിച്ചുവെന്നും ഉഷ ഉതുപ്പ് പറഞ്ഞു.
