ഓവിയ നായികയാകുന്ന തമിഴ് ചിത്രം 'ക്ലിക്ക്'
Highlights
'ക്ലിക്ക്' എന്ന തമിഴ് ചിത്രത്തിലൂടെ ഓവിയ വീണ്ടും നായികയായി എത്തുകയാണ്.
ഒരു കാലത്ത് തമിഴിൽ പ്രശസ്തയായിരുന്ന നടിയാണ് മലയാളിയായ ഓവിയ. ' ബിഗ് ബോസ്' പരിപാടിയിൽ പങ്കെടുത്തത്തിന് ശേഷം ഉണ്ടായ വിവാദങ്ങൾക്ക് ശേഷം ഓവിയ സിനിമകളിൽ അഭിനയിക്കുന്നത് കുറച്ചു. അവരുടെ അവസാന ചിത്രങ്ങളായ 'രാജഭീമ', 'ബൂമർ അങ്കിൾ', 'കളവാണി -2', 'ഓവിയാവ വിട്ട യാരു' തുടങ്ങിയ ചിത്രങ്ങൾക്ക് വലിയ സ്വീകാര്യത ലഭിച്ചില്ല.
എങ്കിലും ഇപ്പോൾ, 'ക്ലിക്ക്' എന്ന തമിഴ് ചിത്രത്തിലൂടെ ഓവിയ വീണ്ടും നായികയായി എത്തുകയാണ്. രാജാ പ്രഭു നിർമ്മിച്ച്, കഥാനായകനായി അഭിനയിക്കുന്ന ചിത്രമാണ് 'ക്ലിക്ക്' സുന്ദർ മഹാശ്രീ സംവിധാനം ചെയ്യുന്ന ഈ ചിത്രം സസ്പെൻസ് നിറഞ്ഞ ഒരു എന്റർടെയ്നർ ചിത്രമായിട്ടാണത്രെ ഒരുങ്ങുന്നത്. നിലവിൽ ചിത്രീകരണം നടന്നു വരുന്ന ഈ ചിത്രം മുഖേന തമിഴിൽ വീണ്ടും ഒരു റൗണ്ട് വരുമെന്ന പ്രതീക്ഷയിലാണ് ഓവിയ എന്നും പറയപ്പെടുന്നുണ്ട്.