'വർമ്മ', 'മഹാൻ', 'ബൈസൺ' എന്നീ ചിത്രങ്ങൾക്ക് ശേഷം ധ്രുവ് വിക്രം നായകനായി അഭിനയിക്കുന്ന  ചിത്രം നിർമ്മിക്കുന്നത് തെലുങ്കിലെ പ്രശസ്ത ബാനറായ  'മൈത്രി മൂവി മേക്കേഴ്‌സ്' ആണ്. ഇന്നലെ വിനായക ചതുർത്ഥിയോടനുബന്ധിച്ച് ചിത്രത്തിന്റെ അണിയറപ്രവർത്തകർ ഫസ്റ്റ് ലുക്ക് പുറത്തുവിട്ടിട്ടുണ്ട്.  ചിത്രത്തിന്  'ജാക്കി - നോ റീടേക്ക്സ് അലൗഡ്' എന്നാണ് പേരിട്ടിരിക്കുന്നത്.  കരൺ അരവിന്ദ് കുമാർ സംവിധാനം ചെയ്യുന്ന ഈ ചിത്രവും ധ്രുവ് അഭിനയിച്ച മറ്റ് ചിത്രങ്ങളിൽ നിന്ന് വളരെ വ്യത്യസ്തമായാണത്രെ ഒരുങ്ങുന്നത്. ദേശീയ അവാർഡ് ജേതാവായ സന്തോഷ് നാരായണനാണ് ഈ ചിത്രത്തിന് സംഗീതം നൽകുന്നത്. നിറയെ സംഘട്ടന രംഗങ്ങൾ ഉള്ള ഈ ചിത്രത്തിന്റെ സഘട്ടന രംഗങ്ങൾ ഒരുക്കുന്നത് വിക്രം മോറാണ്. ഈ സിനിമയിൽ ധ്രുവ് വിക്രമിനൊപ്പം നായകിയായി അഭിനയിക്കുന്നത് ആരാണെന്നുള്ള വിവരം ഇതുവരെ വെളിപ്പെടുത്തിയിട്ടില്ല. ഇന്നലെ ധ്രുവ് വിക്രമിന്റെ പിതാവ് 'ചിയാൻ' വിക്രം അഭിനയിക്കുന്ന ഒരു ചിത്രത്തിന്റെ ഫസ്റ്റ് ലുക്കും പുറത്തുവന്നിരുന്നു. 'പവർ ഹൌസ്' എന്നാണ് ആ ചിത്രത്തിന്റെ പേര്! ഒരേ ദിവസം അച്ഛന്റെയും, മകന്റെയും ചിത്രങ്ങളുടെ ഫസ്റ്റ് ലുക്ക് പുറത്തുവന്നതിനെ തുടർന്ന് രണ്ടു പേരുടെയും ആരാധകർ അതിനെ സോഷ്യൽ മീഡിയകളിൽ വൈറലാക്കി വരികയാണ്.