തെന്നിന്ത്യൻ സിനിമയിൽ ഇപ്പോൾ മോസ്റ്റ് വാണ്ടഡ് താരമാണ്  മമിത ബൈജു. തമിഴിലും, മലയാളത്തിലുമായി തുടർന്ന് ഹിറ്റ് ചിത്രങ്ങൾ നൽകിവരുന്ന മമിതയുടെ  സമീപകാല ചിത്രങ്ങളായ  'വിശ്വനാഥ് ആൻഡ് സൺസ്', 'ബെത്‌ലഹേം കുടുംബ യൂണിറ്റ്' എന്നിവയും ആരാധകരുടെ മികച്ച സ്വീകാര്യത നേടി  സൂപ്പർഹിറ്റ് ചിത്രങ്ങളായി! 

മലയാളം,  തമിഴിനെ തുടർന്ന് മമിത ബൈജു തെലുങ്ക് സിനിമയിലും പ്രവേശിക്കാനിരിക്കുകയാണ്.  റിഷപ് ഷെട്ടി അഭിനയിക്കുന്ന  'ജെയ് ഹനുമാൻ'  എന്ന ചിത്രത്തിലൂടെയാണ്  മമിത  തെലുങ്ക് സിനിമാലോകത്തിൽ   ചുവടുവെക്കുന്നത്. ഈ ചിത്രത്തിന്റെ ചിത്രീകരണം നടന്നു വരികയാണ്.    ഈ സാഹചര്യത്തിലാണ് മമിത  ബൈജു  ചിത്രത്തിൻ്റെ ഷൂട്ടിങ്ങിൽ ജോയിൻ ചെയ്തതായുള്ള  റിപ്പോർട്ടുകൾ പുറത്തുവന്നിരിക്കുന്നത്. 

പ്രശാന്ത് വർമ്മ സംവിധാനം  ചെയ്യുന്ന  ഈ ചിത്രം പ്രശാന്ത് വർമ്മ സിനിമാറ്റിക് യൂണിവേഴ്സിൻ്റെ കീഴിൽ  ഒരു സൂപ്പർഹീറോ ചിത്രമായിട്ടാണ് ഒരുങ്ങിവരുന്നത് എന്നും പറയപ്പെടുന്നുണ്ട്. തെലുങ്കിലെ പ്രശസ്ത  സംഗീത സംവിധായകനായ   എം.എം. കീരവാണിയാണ് ചിത്രത്തിന്  സംഗീതം ഒരുക്കുന്നത്. പ്രശസ്ത ബാനറുകളായ  മൈത്രി മൂവി മേക്കേഴ്‌സും ടി-സീരീസും ചേർന്നാണ്  ചിത്രം നിർമ്മിക്കുന്നത്. ഈ സിനിമയിൽ  മമിതാ ബൈജുവിൻ്റെ കഥാപാത്രത്തെക്കുറിച്ചുള്ള ഔദ്യോഗിക പ്രഖ്യാപനം ഉടൻ ഉണ്ടാകുമെന്നാണ് പ്രതീക്ഷിക്കുന്നത്.