തമിഴ് സിനിമയിലെ പ്രശസ്ത സംവിധായകന്മാരിൽ ഒരാളായ എ.ആർ.മുരുഗദാസ് സംവിധാനം ചെയ്തു ഈയിടെ റിലീസായ ചിത്രമാണ് 'മദരാശി'. ശിവകാർത്തികേയൻ സനായകനായി അഭിനയിച്ച ഈ ചിത്രത്തിന് സമ്മിശ്ര പ്രതികരണമാണ്  ലഭിച്ചത്. ഈ ചിത്രത്തിന് മുൻപ് എ.ആർ.മുരുഗദാസ് സംവിധാനം ചെയ്തു പുറത്തുവന്ന സൽമാൻ ഖാൻ നായകനായ 'സിക്കന്ദർ', രജനികാന്ത് നായകനായ  'ദർബാർ' എന്നീ ചിത്രങ്ങളെല്ലാം പരാജയമായിരുന്നു. ഇതിനാൽ എ.ആർ.മുരുഗദാസിന് വമ്പൻ താരങ്ങളുമായി ചിത്രങ്ങൾ ചെയ്യാനുള്ള അവസരം ഇപ്പോൾ ലഭിക്കുന്നില്ല എന്ന് പറയപ്പെടുന്നുണ്ട്.

ഈ    സാഹചര്യത്തിലാണ് എ.ആർ. മുരുഗദാസ് അടുത്തതായി തമിഴ് സിനിമയിലെ മറ്റൊരു മുൻനിര നായകനായ സിംബുവിനെ നായകനാക്കി ഒരു ചിത്രം സംവിധാനം ചെയ്യാൻ ഒരു കഥ തയ്യാറാക്കിയിട്ടുള്ള വിവരം പുറത്തുവന്നിരിക്കുന്നത്. വെട്രിമാരൻ സംവിധാനം ചെയ്യുന്ന 'അരശൻ' എന്ന ചിത്രത്തിലാണ് സിംബു  ഇപ്പോൾ അഭിനയിച്ചുകൊണ്ടിരിക്കുന്നത്. ഈ ചിത്രത്തിന് ശേഷം സിംബു, എ.ആർ.മുരുഗദാസ് സംവിധാനത്തിൽ അഭിനയിക്കാൻ കാൾ ഷീറ്റ്സ് നൽകുമോ എന്നുള്ള കാര്യം കുറിച്ച് ഇതുവരെ  വ്യക്തമായ വിവരങ്ങളൊന്നും ഇല്ല. എങ്കിലും നിറയെ സൂപ്പർഹിറ്റ് ചിത്രങ്ങൾ നൽകിയ എ.ആർ.മുരുഗദാസിന്റെ സംവിധാനത്തിൽ അഭിനയിക്കാൻ സിംബു താല്പര്യം കാണിക്കും എന്നുതന്നെയാണ് പറയപ്പെടുന്നത്.