മലയാളത്തിൽ റിലീസായി വമ്പൻ വിജയമാകുന്ന ചില ചിത്രങ്ങൾ തമിഴിൽ റീമേക്ക് ചെയ്യാറുണ്ട്. അതനുസരിച്ച്  'മഞ്ഞുമ്മൽ ബോയ്സ്' എന്ന സൂപ്പർഹിറ്റ് ചിത്രം നൽകിയ ചിദംബരം ആദ്യമായി സംവിധാനം ചെയ്ത 'ജാൻ.എ.മൻ' എന്ന ചിത്രം തമിഴിൽ റീമേക്ക് ചെയ്യാനൊരുങ്ങുകയാണ്.

മലയാളത്തിൽ ബേസിൽ ജോസഫ് അവതരിപ്പിച്ച കഥാപാത്രം തമിഴിൽ അവതരിപ്പിക്കാനിരിക്കുന്നത് വിമൽ എന്ന നടനാണ്. 'കളവാണി', 'പശങ്ക', 'വാഗൈ ചൂട വാ' തുടങ്ങി ഒരുപാട് തമിഴ് സിനിമകളിൽ അഭിനയിച്ച നടനാണ് വിമൽ. സംവിധായകനായ ചിദംബരത്തിന്റെ  അസിസ്റ്റന്റ് ഡയറക്ടർമാരിൽ   ഒരാളാണ് ഈ ചിത്രം തമിഴിൽ സംവിധാനം ചെയ്യുന്നത് എന്നാണ് പറയപ്പെടുന്നത്. ഇതിന്റെ   ഔദ്യോഗിക പ്രഖ്യാപനം ഉടൻ ഉണ്ടാകുമെന്നും പറയപ്പെടുന്നുണ്ട്.