മണിരത്നം, കമൽഹാസൻ കൂട്ടുകെട്ടിൽ ഒരുങ്ങി പുറത്തുവന്ന 'തഗ് ലൈഫ്' എന്ന ചിത്രം വലിയ പരാജയമായിരുന്നു. ഈ ചിത്രത്തിന് ശേഷം മണിരത്നം സംവിധാനം ചെയ്തു വരുന്ന സിനിമയിൽ വിജയ്സേതുപതിയും, സായ് പല്ലവിയുമാണ് അഭിനയിക്കുന്നത്.

 പേരിടാതെ തുടങ്ങിയ ഈ ചിത്രത്തിന്റെ ഷൂട്ടിങ്ങ് ഇപ്പോൾ പുരോഗമിക്കുകയാണ്. ഇത് പ്രണയകഥ പശ്ചാത്തലത്തിൽ ഒരുങ്ങുന്ന ഒരു ചിത്രമാണ് എന്നാണ് റിപ്പോർട്ട്. ഈ സാഹചര്യത്തിലാണ്  'ഇഞ്ചി വെല്ലം' എന്ന പേരോടുകൂടിയ ചിത്രത്തിന്റെ ഫസ്റ്റ് ലുക്ക് പോസ്റ്റർ ചിത്രത്തിന്റെ അണിയറപ്രവർത്തകൾ പുറത്തുവിട്ടിരിക്കുന്നത്, 

മണിരത്നത്തിന്റെ ആസ്ഥാന സംഗീത സംവിധായകനായ എ.ആർ.റഹ്മാൻ തന്നെയാണ് ഈ ചിത്രത്തിനും സംഗീതം നൽകുന്നത്. ദുൽഖർ സൽമാനും, നിത്യാമേനോനും ഒന്നിച്ചഭിനയിച്ച് മണിരത്നം സംവിധാനം ചെയ്തു വമ്പൻ വിജയമായ 'ഓ കാതൽ കൺമണി' എന്ന ചിത്രം പോലെ  ഇതുവും ഒരു റൊമാന്റിക് ലവ് സ്റ്റോറിയായിട്ടാണത്രെ ഒരുങ്ങുന്നത്.