തെലുങ്കിലെ മുൻനിര നടന്മാരിൽ ഒരാളായ  നാനി അഭിനയിച്ച്   ഈയിടെ റിലീസായ ചിത്രമാണ്  'ദി പാരഡൈസ്'.  സെപ്റ്റംബർ 24-ന് പുറത്തിറങ്ങിയ ഈ ചിത്രത്തിൽ  കയാദു ലോഹർ ആയിരുന്നു നായകിയായി  അഭിനയിച്ചത്.  ഈ  ചിത്രത്തിന് സമ്മിശ്ര പ്രതികരണമാണ് ലഭിച്ചത്, എങ്കിലും  ബോക്സ് ഓഫീസിൽ 169 കോടി കളക്ഷൻ നേടി എന്നാണ് റിപ്പോർട്ട്.   ഈ ചിത്രത്തിന് ശേഷം നാനി ഇപ്പോൾ 'ബ്ലഡി റോമിയോ' എന്ന ചിത്രത്തിലാണ് അഭിനയിക്കുന്നത്.

ചിത്രത്തിന്റെ ആദ്യ ഷെഡ്യൂൾ  ഷൂട്ടിങ്ങ് ഡൽഹിയിൽ പൂർത്തിയായി, അടുത്ത ഷെഡ്യൂൾ നവംബർ 19 ന് ഹൈദരാബാദിലെ ഒരു അലുമിനിയം ഫാക്ടറിയിൽ ആരംഭിക്കുമെന്നാണ് പറയപ്പെടുന്നത്.   . സുജിത് സംവിധാനം ചെയ്യുന്ന  ഈ ചിത്രം  ഒരു ഡാർക്ക് കോമഡി ആക്ഷൻ ഡ്രാമയായിട്ടാണ് ഒരുങ്ങിവരുന്നത് എന്നും ഈ സിനിമയിൽ  മലയാള നടനായ . പൃഥ്വിരാജ്,  തമിഴ് നടിയായ പ്രീതി മുകുന്ദൻ എന്നിവരും  പ്രധാന വേഷങ്ങൾ കൈകാര്യം ചെയ്യുന്നുണ്ടെന്നുള്ള  വാർത്ത ഇപ്പോൾ  പുറത്തുവന്നിട്ടുണ്ട്. 

പൃഥിവിരാജിന് കഥാനായക തുല്യ കഥാപാത്രമാണത്രെ  നൽകിയിരിക്കുന്നത്. അതിനാലാണ്   പൃഥിവിരാജ് ഈ ചിത്രത്തിൽ അഭിനയിക്കാൻ സമ്മതിച്ചത്  എന്നും പറയപ്പെടുന്നുണ്ട്.   നിഹാരിക എന്റർടൈൻമെന്റ് നിർമ്മിക്കുന്ന ഈ ചിത്രം 2027 ൽ പ്രദർശനത്തിനെത്തുമത്രേ!