തെന്നിന്ത്യൻ  സിനിമയിൽ ഏറ്റവും കൂടുതൽ പ്രതിഫലം വാങ്ങുന്ന നടിയാണ് നയൻതാര. തമിഴ് സിനിമയിലെ  ഒന്നാം നമ്പർ നടിയായ  നയൻതാര നായകിയായി അഭിനയിച്ച് കഴിഞ്ഞ ആഴ്ച പുറത്തിറങ്ങിയ ചിത്രമാണ് 'മൂക്കുത്തി അമ്മൻ-2'. വളരെയധികം പ്രതീക്ഷകളോടെ  പുറത്തിറങ്ങിയ ഈ ചിത്രത്തിന്  പ്രതീക്ഷിച്ച സ്വീകാര്യതയും, കളക്ഷനും ലഭിച്ചില്ല. ഏകദേശം 100 കോടി ചെലവിൽ നിർമ്മിച്ചതായി പറയപ്പെടുന്ന ഈ  ചിത്രത്തിന്  15 കോടിയോളം  മാത്രമേ  കളക്ഷൻ ലഭിച്ചുള്ളൂ എന്നാണ് റിപ്പോർട്ട്.  മറ്റ് ഭാഷകളിലും  ചിത്രത്തിന്   വലിയ സ്വീകാര്യത ലഭിച്ചില്ല. ഇത് നയൻതാരയ്ക്ക് വലിയ തിരിച്ചടിയായി മാറിയിരിക്കുകയാണ്.  

നയൻതാരയുടെതായി   ഈ വർഷം ആദ്യം തമിഴിൽ പുറത്തിറങ്ങിയ  'ഹായ്' എന്ന ചിത്രവും വിജയിച്ചില്ല. കഴിഞ്ഞ വർഷം (2025) അവർ അഭിനയിച്ച ഒരേയൊരു ചിത്രമായ  'ടെസ്റ്റ്'  നേരിട്ട് OTT പ്ലാറ്റ്‌ഫോമിൽ റിലീസായ  ചിത്രമാണ്. ഈ ചിത്രവും ശ്രദ്ധ നേടിയില്ല.  2024-ൽ നയൻതാരയുടേതായി ഒരു സിനിമയും പുറത്തിറങ്ങിയില്ല. 2023-ൽ പുറത്തിറങ്ങിയ  'അന്നപുര ണി'   2022-ൽ പുറത്തിറങ്ങിയ 'കണക്റ്റ്',  'ഒ 2'  എന്നീ ചിത്രങ്ങളും പരാജയമായിരുന്നു.

അതേ വർഷം പുറത്തിറങ്ങിയ  'കാത്തു വാക്കുല രണ്ടു കാതൽ' എന്ന  ചിത്രം മാത്രമാണ്  വിജയമായത്. അതിനുമുമ്പ്, 2021-ൽ പുറത്തിറങ്ങിയ  'അണ്ണാത്ത',  'നെട്രികൺ' , 2020-ൽ പുറത്തിറങ്ങിയ  'ദർബാർ' എന്നിവയും  പ്രതീക്ഷിച്ചത്ര വിജയം നേടിയില്ല.  2020-ൽ നേരിട്ട് ഒടിടിയിൽ റിലീസായ  'മൂക്കുത്തി അമ്മൻ' മാത്രമാണ്  ആരാധകർക്കിടയിൽ  സ്വീകാര്യത നേടിയത്.  നയൻതാര അഭിനയിച്ച് ഈയിടെ   റിലീസായ  പാൻ-ഇന്ത്യൻ  ചിത്രമായ  'ടോക്സിക്'ക്കും  ദയനീയമായി പരാജയപ്പെട്ടു. ഇങ്ങിനെ താൻ അഭിനയിച്ച ചിത്രങ്ങൾ തുടർന്ന് പരാജയപെടുന്ന വിഷയം താരത്തിനെ വളരെയധികം  ആശയ കുഴപ്പത്തിലാക്കിയിട്ടുണ്ടത്രെ!