'അമ്മ' (AMMA) സംഘടനയിലെ പ്രതിസന്ധികളും തർക്കങ്ങളും ഉടൻ തന്നെ പരിഹരിക്കപ്പെടുമെന്ന് നടൻ മമ്മൂട്ടി വ്യക്തമാക്കി. സംഘടനയിലെ പ്രശ്നങ്ങളെല്ലാം ചെറിയ കാര്യങ്ങൾ മാത്രമാണെന്നും, അവയെല്ലാം ചർച്ചകളിലൂടെ ശരിയായിക്കൊള്ളുമെന്നും ദില്ലിയിൽ മാധ്യമങ്ങളോട് സംസാരിക്കവെ അദ്ദേഹം പ്രതികരിച്ചു.

വരവ്-ചെലവ് കണക്കുകളിലെ തർക്കങ്ങളെ തുടർന്ന് ശ്വേത മേനോന്റെ നേതൃത്വത്തിലുള്ള 17 അംഗ ഭരണസമിതി കൂട്ടത്തോടെ രാജിവച്ചിരുന്നു.

നിലവിലെ പ്രതിസന്ധികൾ മറികടക്കാൻ രമേഷ് പിഷാരടി കൺവീനറായുള്ള താൽക്കാലിക അഡ്ഹോക്ക് കമ്മിറ്റിയാണ് നാല് മാസത്തേക്ക് സംഘടനയുടെ ഭരണം ഇപ്പോൾ ഏറ്റെടുത്തിരിക്കുന്നത്.