ആറ് വർഷത്തെ പ്രണയത്തിന് ശേഷം ലേഡി സൂപ്പർ സ്റ്റാർ നയൻതാരയും സംവിധായകൻ വിഘ്നേഷ് ശിവനും വിവാഹിതരായത് 2022 ജൂണിലാണ്. ഇരുവരും 2022 ഒക്‌ടോബർ 9നാണ് മാതാപിതാക്കളായ സന്തോഷം പങ്കുവെച്ചത്. സറോഗസിയിലൂടെ തനിക്കും വിക്കിക്കും ഇരട്ട ആൺകുഞ്ഞുങ്ങൾ പിറന്നതും ഇവരുടെ പേര് ഉയിർ, ഉലകം എന്നാണ് എന്നും ഇൻസ്റ്റഗ്രാമിലൂടെ അറിയിച്ചിരുന്നു. എന്തുകൊണ്ടും കഴിഞ്ഞ വർഷം താര ദമ്പതികൾക്ക് സ്പെഷ്യൽ ആയിരുന്നു.

ഇപ്പോഴിതാ 2022 തങ്ങൾക്ക് സമ്മാനിച്ച സന്തോഷങ്ങൾക്ക് നന്ദി അറിയിച്ച് എത്തിയിരിക്കുകയാണ് ദമ്പതികൾ. മനോഹരമായ ചില കുറിപ്പുകളോടെയാണ് കഴിഞ്ഞുപോയ 2022നെ കുറിച്ച് ഓർമിക്കുന്നത്. ഒപ്പം മക്കൾക്കും നയൻതാരയ്ക്കുമൊപ്പമുള്ള മനോഹരമായ ചിത്രവും പങ്കുവച്ചു.

‘‘എന്റെ ജീവിതത്തിലെ ഏറ്റവും മനോഹരമായ വർഷമാണ് 2022. പ്രായമാകുമ്പോൾ എന്റെ ജീവിതത്തിൽ സംതൃപ്തിയും സന്തോഷവും തോന്നുന്ന മിക്ക ഓർമകളും ഈ വർഷം മുതലുള്ളതായിരിക്കണം. എന്റെ ജീവിതത്തിലെ പ്രണയത്തെ വിവാഹം കഴിച്ചു. എന്റെ തങ്കം നയൻതാര.. അനുഗൃഹീതമായ രീതിയിൽ. എന്റെ ജീവിതത്തിലെ ഏറ്റവും മഹത്തായ അവസരത്തിൽ ഇതിഹാസങ്ങളും സൂപ്പർ താരങ്ങളും നിറഞ്ഞ ഒത്തിരി നിമിഷങ്ങൾ ആസ്വദിക്കാൻ എന്റെ കുടുംബത്തിനും ഒരു സ്വപ്നതുല്യമായ വർഷം.

രണ്ട് ആൺകുട്ടികളാൽ അനുഗ്രഹിക്കപ്പെട്ടു. ഞാൻ കാണുമ്പോഴെല്ലാം... ഞാൻ അവരുടെ അടുത്തേക്ക് പോകുമ്പോഴെല്ലാം എന്നെ കണ്ണീരിലാഴ്ത്തുന്നു അവർ. എന്റെ കണ്ണുകളിൽ നിന്നുള്ള കണ്ണുനീർ എന്റെ ചുണ്ടുകൾക്ക് മുമ്പേ അവരെ സ്പർശിക്കുന്നു. ഒരുപാട് അനുഗൃഹീതനായി എന്ന് എനിക്ക് എപ്പോഴും തോന്നുന്നു. നന്ദി ദൈവമേ.... ഞാൻ ഇഷ്ടപ്പെട്ട ഒരു കഥ നിർമിക്കുകയും റിലീസ് ചെയ്യുകയും ചെയ്തു.... കാത്തുവാക്കുള്ളൈ രണ്ടുകാതൽ... എപ്പോഴും ഹൃദയത്തോട് ചേർന്ന് നിൽക്കുന്ന സിനിമ. സിനിമയുടെ വാണിജ്യ വിജയത്തിൽ സന്തോഷമുണ്ട്.’’-വിഘ്നേശ് പറഞ്ഞു.