തമിഴിൽ 'വാലി', 'ഖുഷി', 'ന്യൂ' തുടങ്ങിയ പല ചിത്രങ്ങൾ സംവിധാനം ചെയ്ത സംവിധായകനാണ് എസ്.ജെ.സൂര്യ. സിനിമ സംവിധാനത്തിൽ നിന്ന് ഇടവേളയെടുത്ത് ഇപ്പോൾ വ്യത്യസ്തമായ കഥാപാത്രങ്ങളിൽ അഭിനയിച്ചുകൊണ്ടിരിക്കുന്ന എസ്.ജെ.സൂര്യ ഇപ്പോൾ തമിഴ്, തെലുങ്ക് സിനിമയിൽ വളരെ തിരക്കുള്ള ഒരു നടനാനാണ്. തമിഴ്, തെലുങ്കിനെ തുടർന്ന് എസ്.ജെ.സൂര്യ, മലയാള സിനിമയിലും അഭിനയിക്കാൻ തുടങ്ങിയിരിക്കുന്ന വാർത്ത ഈയിടെ നൽകിയിരുന്നു. എസ്.ജെ.സൂര്യയുടെ ആദ്യത്തെ മലയാള ചിത്രം ഫഹദ് ഫാസിലിനൊപ്പമാണെന്നുള്ള വാർത്തയാണ് അപ്പോൾ നൽകിയിരുന്നത്. ഇതിന് പിന്നാലെയാണ് മലയാളത്തിൽ മറ്റൊരു ചിത്രത്തിൽ അഭിനയിക്കാനും എസ്.ജെ.സൂര്യ കരാറിൽ ഒപ്പിട്ടതായുള്ള വാർത്ത പുറത്തുവന്നിരിക്കുന്നത്. അതനുസരിച്ച്, 'ആർ.ടി.എക്‌സ്' എന്ന ചിത്രം സംവിധാനം ചെയ്ത നികാസ് ഹിദായത്ത് സംവിധാനം ചെയ്യുന്ന ചിത്രത്തിൽ ദുൽഖർ സൽമാനൊപ്പം അഭിനയിക്കാനാണ് എസ്.ജെ.സൂര്യ തിരഞ്ഞെടുക്കപ്പെട്ടിരിക്കുന്നത് എന്നതാണ് ആ പുതിയ വാർത്ത. അടുത്ത വർഷം ജനുവരിയിൽ ചിത്രീകരണം ആരംഭിക്കാനിരിക്കുന്ന ഈ ചിത്രത്തിന്റെ ഔദ്യോഗിക പ്രഖ്യാപനം ഉടൻ ഉണ്ടാകുമെന്നും സൂചനയുണ്ട്. ഇന്ത്യൻ മൂന്നാം ഭാഗം, സർദാർ രണ്ടാം ഭാഗം, വീര ധീര സൂരൻ, ഗെയിം ചെയ്ഞ്ചർ, ലവ് ഇൻഷുറൻസ് കമ്പനി തുടങ്ങിയ ചിത്രങ്ങളിലാണ് എസ്.ജെ.സൂര്യ ഇപ്പോൾ അഭിനയിച്ചുകൊണ്ടിരിക്കുന്നത്.