* ഞാനൊരു പഞ്ചാബി പെണ്‍കുട്ടിയാണ്. ജനിച്ചതും വളര്‍ന്നതും ഡല്‍ഹിയില്‍.

* ഒപ്പം അഭിനയിക്കുന്നവരോട് എങ്ങനെ ഇടപഴകണമെന്ന് എന്നെ പഠിപ്പിച്ചത് അല്ലു അര്‍ജ്ജുന്‍ സാറാണ്. പണ ഇടപാടുകളില്‍ എങ്ങനെ കര്‍ക്കശം കാണിക്കണം എന്ന് പഠിച്ചത് ജൂനിയര്‍ എന്‍.ടി. ആറില്‍ നിന്നുമാണ്.

* ഞാന്‍ സിനിമയിലെത്തിയിട്ട് ഒന്നര പതിറ്റാണ്ടുകഴിഞ്ഞു. ഇപ്പോഴാണ് സിനിമ എന്താണെന്ന് ഒരു വ്യക്തതയുണ്ടായത്. ഈ സിനിമാക്കാരെ ഇനിയും മനസ്സിലാക്കാന്‍ കഴിഞ്ഞിട്ടില്ല എന്നതാണ് സത്യം.

* ഞാന്‍ എപ്പോഴും ാമഹലറൃലൈ ആണ് ധരിക്കുവാന്‍ ഇഷ്ടപ്പെടുന്നത്. ജീന്‍സും പാന്‍റും ഷര്‍ട്ടുകളാണ് ഫേവറിറ്റ്. ഷര്‍ട്ടിന്‍റെ മുകളിലെ മൂന്ന് ബട്ടനും ഇടുകയില്ല.

* അടുത്തകാലത്ത് ബോളിവുഡ്ഡില്‍ പത്തുസിനിമകളില്‍ അഭിനയിച്ച നായികനടി ഞാനായിരിക്കും എന്നാണ് എനിക്ക് തോന്നുന്നത്. എന്നാല്‍ ഞാന്‍ പഞ്ചാബിയായതുകൊണ്ട് ആരും അത്ര ഗൗരവമായി കണ്ടില്ല.

* ജെം ഓഫ് പേഴ്സണ്‍ ആരെന്ന് ചോദിച്ചാല്‍ അത് സൂര്യസാറാണ്. അദ്ദേഹത്തെ പോലെ ഹെല്‍പിങ് ടെന്‍ഡന്‍സിയുള്ള ഒരു ഹീറോയെ ഞാന്‍ കണ്ടിട്ടേ ഇല്ല.

* കോളേജില്‍ മാത്തമാറ്റിക്സായിരുന്നു ഞാന്‍ പഠിച്ചത്. എന്നാല്‍ ജീവിതത്തില്‍ എന്‍റെ മനുഷ്യരെക്കുറിച്ചുള്ള കണക്കുകൂട്ടലുകളെല്ലാം തെറ്റി.

* സിമ്രാനെപ്പോലെയും നയന്‍താരയെപ്പോലെയും ബ്യൂട്ടി കം പെര്‍ഫോമിങ് നടിയായി വളരണം എന്നതാണ് എന്‍റെ ആഗ്രഹം. എനിക്ക് ആക്ട്രസ് അഞ്ജലിയേയും വലിയ ഇഷ്ടമാണ്.

* തുടക്കം മുതലേ തന്നെ ഞാനൊരു 'ഷോ ഗേളാ'ണ്. 'ഫെമിനാമിസ് ഇന്‍ഡ്യാ' സൗന്ദര്യമത്സരത്തില്‍ അഞ്ച് അവാര്‍ഡുകള്‍ നേടിയിട്ടുണ്ട്. ഇന്‍സ്റ്റഗ്രാമില്‍ മില്യന്‍സാണ് ഫോളോവേര്‍സ്. എന്നിട്ടും ഐ ഫീല്‍ ലോണ്‍ലി, ഐസോലേറ്റഡ്. എന്നാല്‍ ആ ഏകാന്തതയേയും ഞാന്‍ എന്‍ജോയ് ചെയ്യുന്നു.

* ടീനേജില്‍ എന്‍റെ സൗന്ദര്യത്തെക്കുറിച്ച് എനിക്ക് തന്നെ അറിയില്ലായിരുന്നു. കോളേജില്‍ പോയി തുടങ്ങിയപ്പോള്‍ ഫ്രണ്ട്സ് പ്രോത്സാഹിപ്പിച്ചതുകൊണ്ട് പഠിക്കുമ്പോള്‍ തന്നെ മോഡലിങ് ചെയ്തുതുടങ്ങി. അതാണ് എന്നെ സിനിമയില്‍ എത്തിച്ചത്.